УГААРЫН ХИЙ МЭДРЭГЧИЙГ ХЭЗЭЭ ТАРААХ НЬ ТОДОРХОЙГҮЙ БАЙНА

Сайжруулсан шахмал түлшийг худалдаанд гаргасан даруйд угаарын хийгээр 10 гаруй иргэн хордож амиа алдсан харамсалтай хэрэг гарсан билээ.

Харин Засгийн газраас өнгөрсөн арваннэгдүгээр сарын 1-нээс өмнө гэр хорооллын айл, өрх бүрт угаарын хий мэдрэгч төхөөрөмжийг үнэгүй суурилуулахыг үүрэгдсэн.

Гэвч өнөөдрийг хүртэл гэр хорооллын нэг ч өрхөд уг төхөөрөмжийг суурилуулаагүй байна.

Хэзээ суулгаж, суурилуулахыг Нийслэлийн Засаг даргын нэгдүгээр орлогч Ж.Батбаясгалангаас тодруулахад “Төсвийн хөрөнгийг хуулийн дагуу л зарцуулах ёстой. Бэлтгэл ажил хангагдсан. Ажлын хэсэг эцсийнхээ шийдвэрийг гаргасан. Үйлдвэртэйгээ шууд гэрээгээ хийчихсэн. Үнэ болон төсвийн хувьд хөрөнгөө хэмнэж байгаа. Угаар мэдрэгч төхөөрөмжийг иргэдэд тараах ажил л үлдлээ. Сүүлийн хугацаа гэж байхгүй. Засгийн газрын тэмдэглэлд арваннэгдүгээр сарын 1-нд багтааж шийд гэсэн байсан нь Төсвийн тухай хууль болох бусад хуулиараа боломжгүй байсан. Тиймээс яг л хуулийн дагуу асуудлаа шийдэж байна" гэлээ.