Эрдэнэт үйлдвэрийн 100 тэрбум төгрөгийн тендерт ялсан хятад компанийг АТГ шалгаж эхэллээ

АТГ-аас Монголд үйл ажиллагаа явуулж буй хятад компаниудыг шалгаж байгаа талаар эх сурвалж мэдээллээ. Тодруулбал, Эрдэнэт үйлдвэрээс зарласан 100 тэрбум төгрөгийн тендерт ялсан БНХАУ-ын иргэн Жан захиралтай “Синохидро Корпорейшн лимитед” компанид хэрэг үүсгэн шалгаж байна. Тус компани нь цэвэр ус дамжуулах, ган хоолой угсрах ажилд БНХАУ-ын таван компанитай өрсөлдөн шалгарч байжээ. Гэсэн ч бичиг баримт нь дутуу, тендерийн баталгаа хангаагүй, хамгийн бага үнэ санал болгосон “Синохидро Корпорейшн лимитед” компани шалгарсан нь хардлага төрүүлж байгаа юм байна.