ЗХЖШ-ын дарга нарт хариуцлага тооцож, чөлөөлөх чиглэл хүргүүлжээ

УИХ дахь Хүний эрхийн дэд хороо өчигдөр цэргийн анги нэгтгэлд гарч байгаа дарамт болон алба хаагчдын амь насанд хүрч, эрүүл мэндэд санаатай гэмтэл учруулсан хохирол, зүй бус үйлдлүүдийн талаарх асуудлыг нээлттэй хэлэлцсэн билээ. Цэргийн алба хаагчдыг доромжилж, ёсзүйгүй алдаа гаргасан гэх штабын дарга, хошууч генерал Д.Ганзоригтой ч хариуцлагын асуудал ярина гэдгийг дээрх хорооны дарга Б.Энхбаяр мэдэгдсэн билээ. 

Тэгвэл тус хорооноос Зөвлөмж, чиглэл өгөх тогтоолын төслийг баталж, холбогдох газруудад нь хүргүүлжээ. Энэхүү тогтоолын төсөлд Зэвсэгт хүчний жанжин штабын удирдлагуудыг үүрэгт ажлаас нь чөлөөлөхийг чиглэл болгосон байна.