Орон нутагт халдварын тархалт нэмэгдэж, эмч сувилагчийн ХОМСДОЛ үүсч эхэлжээ

Covid-19 халдвар Нийслэл болон орон нутагт голомтлон тархаж байна. Өдөрт 400-600 тохиолдол шинээр бүртгэгдэж байгаа бол эдгээрийн 100 гаруй тохиолдол орон нутагт бүртгэгдэж байна. 

Зарим аймагт халдварын тохиолдол огцом нэмэгдэж, эрүүл мэндийн байгууллага, эмнэлэг нь ажилтны нөөцгүй болж байгаа талаар албаныхан хэлж байна. 

Нийслэлд халдвар их гарч байгаа учраас орон нутгаас эмч, сувилагч нарыг татан авч ажиллуулж эхэлсэн бол орон нутагт сувилагч нарын хомсдолд орж байгаа учир орон нутгаас ирсэн эмч сувилагч нарыг буцаахаар болжээ.