| | USD/MNT 0₮
ҮАБЗ-ийн зөвлөлийн гурван гишүүн ОХУ-аас их хэмжээний доллар оруулж ирсэн гэх мэдээлэл цацагдсан бөгөөд ҮАБЗ-ийн Нарийн бичгийн дарга А.Гансүх хэвлэлийхэнд мэдээлэл хийсэн. Тэгвэл А.Гансүх аавыгаа машины осолд орсон тухай болон үүнийг зохион байгуулалттай хэрэг хэмээн үзэж буйгаа өөрийн цахим хуудсаараа дамжуулан мэдэгдлээ. Тэрбээр "ХҮРЭЛСҮХ, ОЮУН ЭРДЭНЭ, НЯМБААТАР НАРТ
ӨНӨӨДРИЙГ ХҮРТЭЛ БОЛЖ БУЙ ҮЙЛ ЯВДЛЫГ УЛС ТӨР, ГЭХДЭЭ ИХ БОХИР УЛС ТӨР ГЭЖ БОДОЖ ЯВЛАА. ХУВЬ ХҮН РҮҮ ДАЙРСАН ГҮТГЭЛЭГ, ДОРОМЖЛОЛЫГ ТЭВЧИЖ ИРЛЭЭ. ҮАБ-ЫГ ХАМГААЛДАГ ХАМТ ОЛНЫГ ГҮТГЭЭД ЭХЛЭХЭЭР НЬ НИЙГЭМД ХАГАРАЛ ТАЛЦАЛ ҮҮСГЭХЭЭС СЭРГИЙЛЖ 2021.3.9-НД ӨДРИЙН СОНИНД ЯРИЛЦЛАГА ӨГСӨН. УНШСАН БИЗ.
ГЭТЭЛ ТЭР ӨДРИЙН ОРОЙ 17.50 ЦАГТ ӨНДӨР НАСТАЙ ААВЫГ МИНЬ ГЭРИЙН ГАДААХ ЯВГАН ХҮНИЙ ГАРЦ ГАРЧ ЯВАХАД НЬ МАШИНААР ДАЙРЛАА. ӨНДӨР НАСТАЙ ААВ МААНЬ ХҮНД ГЭМТЭЛ АВЧ, ОДОО ГЭМТЛИЙН ЭМНЭЛЭГТ ЭРЧИМТ ЭМЧИЛГЭЭ ХИЙЛГЭЖ БАЙНА. ҮҮНИЙГ БИ ТОХИОЛДОЛ ГЭЖ БОДОХГҮЙ БАЙНА. МИНИЙ ГЭР БҮЛ, ОЙР ДОТНЫ ХҮМҮҮС РҮҮ ХАЛДЛАГА ХИЙГДЭЖ БАЙНА. ДАРАА НЬ ЮУ БОЛОХ ВЭ?
ТА НАРТ ХЭЛЭХ ҮГ БАЙНА. ЭР ХҮНИЙ ЗОРИГ ГАРГААД ЗӨВХӨН НАДТАЙ Л ТУЛЧИХ. МИНИЙ НАСТАЙ ААВ, ЭЭЖ, ДҮҮ, ЭХНЭР ХҮҮХДҮҮД, НАЙЗ НӨХӨД, ХАМТ ОЛНЫГ ОРХИЧИХ. ТЭД МААНЬ МОНГОЛ УЛСЫН ЖИРИЙН ИРГЭД. МОНГОЛ ТӨР ИРГЭДЭЭ ХЭЛМЭГДҮҮЛЭХГҮЙ ГЭЖ НАЙДАЖ БАЙНА.
ХУУЛЬ ХҮЧНИЙ БАЙГУУЛЛАГАД ИТГЭХГҮЙ БАЙГАА УЧИР НИЙГЭМ РҮҮ ХАНДЛАА.
ШУУРХАЙ АРГА ХЭМЖЭЭ АВЧ АМИЙГ НЬ АВАРСАН ГЭМТЛИЙН ЭМНЭЛГИЙН ХАМТ ОЛОНД МАШ ИХ БАЯРЛАЛАА. ЭМЧ НАРТАА НАЙДАЖ БАЙНА" гэсэн байна.
ҮАБЗ-ийн НБД А.Гансүхийг хэвлэлд ярилцлага өгсний дараа аавыг нь машинаар дайрчээ. Тэрбээр "МИНИЙ ГЭР БҮЛ, ОЙР ДОТНЫ ХҮМҮҮС РҮҮ ХАЛДЛАГА ХИЙГДЭЖ БАЙНА. ДАРАА НЬ ЮУ БОЛОХ ВЭ?" гэв