Дарханаас Улаанбаатар болон бусад аймаг руу зорчих иргэдийг долоо хоногт нэг удаа гаргана

Өнөөдөр Дархан-Уул аймгийн Онцгой комиссоос хуралдаж дараах шийдвэрүүдийг гаргалаа.

1.Гуравдугаар сарын 9-нд ЕБС, цэцэрлэгийн үйл ажиллагаа эхэлнэ.

2.Цэцэрлэгт хамрагддаг 7000 орчим хүүхэд байгаагаас эцэг эхчүүдийн 85% нь хүүхдүүдээ цэцэрлэгт нь хамруулахыг зөвшөөрчээ. Цэцэрлэгийн үйл ажиллагаа эхлэхээс өмнө хүүхдүүдийг шинжилгээнд хамруулна.

3.Дарханаас Улаанбаатар болон бусад аймаг руу зорчих иргэдийг smartdarkhan.com цахим хуудсаар бүртгэн, 7 хоногт 1 удаа гаргах ажлыг зохион байгуулна. Дарханаас явсан иргэд 30 хоног буцаж ирэхгүй байх шийдвэрийг хүчингүй болголоо. Гэхдээ зөвхөн Дарханы харъяат иргэдээ хүлээн авна.

4. Гуравдугаар сарын 1-нээс 18 нас хүртэлх насны хүүхдүүд үйлчилгээний байгууллагуудаар үйлчлүүлж болно.

5. Гуравдугаар сарын 1-нээс караоке, баар, кино театрын үйл ажиллагааг нээнэ. Цагийн хуваарьт хязгаарлалт тавихгүй, хуучин мөрдөж байсан хуваариараа ажиллана.