Завхан аймагт бүртгэгдсэн сэжигтэй хоёр тохиолдлын хариу СӨРӨГ гарчээ

Завхан аймаг УБ хотоос татан авсан иргэддээ түргэвчилсэн оношлуураар шинжилгээ хийхэд Улиастай сумын Богдын гол багийн 1 иргэн, Жинст багийн 1 иргэн, Баянтэс суманд 1 иргэний шинжилгээний хариу сул эeрэг гарсан тул сорьцыг өчигдөр Улаанбаатар руу явуулсан билээ.

Харин PCR шинжилгээний хариу гартал буюу 2021 оны 01 сарын 27-ны өдрийн 19:00 цагаас 2021 оны 01 сарын 28-ны өдрийн 21:00 цаг хүртэл Улиастай, Баянтэс сумруу орох, гарах хөдөлгөөнийг хязгаарлалаа. Мөн сум доторх тээврийн хэрэгслийн болон иргэдийн хөдөлгөөнийг түр хязгаарлахаар шийдвэрлэсэн байсан.

Тэгвэл өнөөдөр Нийслэлд сорьц нь ирж баталгаажуулах шинжилгээг ХӨСҮТ-д хийж дуусгажээ. Шинжилгээний хариу хоёулаа Сөрөг гарсан байна.