Гэр нь шатсан өрхөд УИХ-ын гишүүн Н.Учрал гэр бэлэглэхээр болжээ

Сонгинохайрхан дүүргийн 8 дугаар хорооны нутаг дэвсгэр Зүүнбаян цагаан 3 дугаар гудамжинд өчигдөр 19:14 цагт гэр шатаж 0-13 насны таван хүүхдийг Онцгой байдлын аврагчид эсэн мэнд гаргаж, амь насыг нь аварсан талаар мэдээлсэн билээ. 

Тэгвэл тухайн өрхөд тус тойргоос сонгогдсон УИХ-ын гишүүн Н.Учрал өөрийн ажлын албаараа дамжуулан тусламж үзүүлэхээ мэдэгдэж, өнөөдөр тухайн галд өртсөн айлд түүний бие төлөөлөгч нар очиж уулзсан байна. Нэн түрүүнд таван ханатай гэрийг маргааш өгөхөөр болжээ.

УИХ-ын гишүүн Н.Учрал эрүүл мэндийн шалтгаанаар гадаадад эмчлүүлж байгаа бөгөөд тэрбээр сайн үйлсийн аян өрнүүлэх санаачлагыг гаргасан байна. Өнгөрсөн долдугаар сард мөн гэр нь шатсан айлд гэр бэлэглэж байжээ.