Ирэх сарын 01-нээс хичээлийг танхимаар эхлүүлэх эсэхийг судалж байна

Ерөнхий боловсролын сургуулийн сурагчдын нэгдүгээр улирлын амралт хоёрдугаар сарын 01-нд дуусч хичээл эхлэх ёстой. Тэгвэл хичээлийг онлайнаар үргэлжлүүлэх үү, эсвэл танхимаар явуулах уу гэдэг асуудлаар салбарын яамнаас судалгаа хийж байгаа аж. 

БШУ-ны сайд Л.Цэдэвсүрэн өнөөдрийн хэвлэлийн хурлаараа "4-5 хувилбар яригдаж, судалж байна. Эцэг, эхчүүдээс маш их санал ирж байна. Хоёрдугаар сарын 12-нд цагаан сар болно. Энэ үед УОК-оос дахин хөл хорио тогтоох юм билээ. Тиймээс УОК-ын дараагийн хуралдаанд энэ асуудлаа танилцуулж, шийдвэрлэнэ" гэжээ.