Эрүүл мэндийн яамнаас ээлжит мэдээллээ хийж байна. 

ХӨСҮТ-ийн Тандалт судалгааны албаны дарга А.Амбасэлмаа "Өчигдрийн байдлаар нийт 16975 хүнд шинжилгээ хийснээс 13 хүнд халдвар илэрлээ. Эдгээр тохиолдлууд Ачтан эмнэлгийн голомтоос, мөн БГД-ийн 4 хорооны батлагдсан тохиодлын 3 гэр бүлийн долоон хүн байна. Түүнчлэн БЗД-ийн 17 дугаар хороонд батлагдсан тохиолдын 4 хүн байна. 

Нийтдээ нийслэлд 643 боллоо. Бусад аймгуудад халдвар бүртгэгдээгүй. Улсын хэмжээнд кластер голомт 900 гаруй бүртгэгдсэн байна. Эдгэрэлт 909 байна. Цэргийн эмнэлгээс 18, ХӨСҮТ-ээс 20 хүн эдгэрч дараагийн шат руу шилжсэн байна.

Нийт халдварын тохиолдол 1469 болжээ. Өвчтнүүдийн биеийн байдал гэвэл маш хүнд нэг хүн, хүндэвтэр 12 хүн эмчлүүлж байна" гэлээ.