ЗУРГААН ДҮҮРГИЙН 18 БАЙРШИЛД 82 ТН 477 КГ МАХ БОРЛУУЛАГДЖЭЭ

Улаанбаатар хотын төвийн 6 дүүргийн 21 байршилд худалдаалагдаж буй нөөцийн мах худалдааны чанар аюулгүй байдалд мал эмнэлгийн хяналтын улсын байцаагчид хяналт шалгалт хийж байна.

Баянгол дүүргийн 3, Баянзүрх дүүргийн 4, Сүхбаатар дүүргийн 3, Сонгинохайрхан дүүргийн 4 /37 дугаар хороо Содон хорооллын дундах талбай, 14 дүгээр хороо Цамбагаравын урд талбай, 1 дүгээр хороо Толгойт Гүнгэрваа төвийн талбай, 11-р хороо Хөтөл автбусны буудал/, Хан-Уул дүүргийн 2, Чингэлтэй дүүргийн 2 /2-р хороо Алтжин бөмбөгөр худалдааны төвийн гадна, 7 дугаар хороо Синго ХХК Хөтөл супер маркетийн авто зогсоол/ нийт 18 байршилд нөөцийн мах худалдан борлуулах цэгүүдэд зарагдаж буй махны чанар, аюулгүй байдалд хяналт хийлээ. Өчигдөр оройн байдлаар 6 дүүргийн 18 байршилд үхрийн мах 6 тн 708 кг, хонины мах 75 тн 109 кг, ямааны мах 660 кг буюу нийт 82 тн 477 кг мах борлуулагджээ.

Чингэлтэй дүүргийн 16 дугаар хороо Хайлаастын хуучин эцэс /Цан сэн тиан ий ХХК/, Сонгинохайрхан дүүргийн 10-р хороо Баянхошууны эцэс Жанцан худалдааны төв /Агро нэгтгэл трейд ХХК/, 23 дугаар хороо 1-р хорооллын арын гэр хорооллын дундах худалдааны төв /Жэй икс си эс ХХК/-ийн байршил буюу 2 дүүргийн 3 байршилд нөөцийн мах борлуулагдаагүй байна.

Баянзүрх дүүргийн нөөцийн мах худалдаалж буй 4 байршилд Баяндэмбэрэл ХХК нийт 5500 м2 талбайд халдваргүйтгэл хийсэн.

Улаанбаатар хотын төвийн 6 дүүргийн 21 байршилд худалдаалагдаж буй нөөцийн мах худалдааны чанар аюулгүй байдалд мал эмнэлгийн хяналтын улсын байцаагчид хяналт шалгалт хийж байна.