ЭМЯ:Өнөөдөр коронавирусийн халдварын зургаан тохиолдол нэмж бүртгэгдлээ

Эрүүл мэндийн яамнаас өнөөдөр нэмж зургаан хүнээс коронавирусийн халдвар илэрсэн талаар мэдээлэв. Ингэснээр манай улсад Covid-19 халдварын нийт батлагдсан тохиолдол 374 болжээ. Үүнээс 317 нь эдгэрсэн бол 54 хүн Халдварт өвчин судлалын үндэсний төвд эмчлүүлж буй.

ХӨСҮТ-д эмчлүүлж байгаа 44 хүний биеийн байдал хөнгөн, есөн  хүний биеийн байдал хүндэвтэр, нэг хүний биеийн байдал хүнд байгаа аж.