Байгууллага хамт олноороо шинэ жил тэмдэглэхгүй байх шийдвэрийг гаргалаа

Засгийн газрын өнөөдрийн хуралдаан өндөрлөж, хуралдаанаас гаргасан шийдвэрийг Шадар сайд Я.Содбаатар танилцуулж мэдээлэл хийлээ.

Тэрбээр "Эрсдэлтэй нөхцөл байдлыг харж байж шийдвэр гаргана. Гэхдээ хамт олноороо байгууллагаараа шинэ жил тэмдэглэхгүй байх шийдвэрийг гаргалаа. Харин гэр бүлийнхээ хүрээнд цомхон тэмдэглэж болно" гэдгийг хэллээ.

Харин ЕБС-иуд ирэх арванхоёрдугаар сарын 18-наас амрах хуваарь хэвээрээ байгаа. Гэвч наана нь амралтын хуваарь өөрчлөгдөхийг үгүйсгэхгүй гэдгийг салбарын сайд нь хэллээ.