ASU.mn

Э.Бат-Үүл нарыг шүүх хурал дахиад хойшиллоо

Чингэлтэй дүүргийн Эрүүгийн хэргийн анхан шатны шүүхэд Э.Бат-Үүл нарын 11 хүн холбогдох хэргийн гэм буруугийн шүүх хурал өнөөдөр эхэлсэн ч шүүгдэгч Н.Жаргалсайханы ар гэрт ажил явдал гарсан гэх шалтгаанаар бас дахин шүүх хурал хойшилжээ. Уг хурал ирэх арваннэгдүгээр сарын 20-ны өдрийн 10.00 цаг хүртэл хойшилсон байна.

Нийслэлийн Прокурорын газраас Эрүүгийн хуулийн ерөнхий ангийн 3.1 дүгээр зүйлийн 1, 3.3 дугаар зүйлийн 1, 2 дахь хэсэгт заасныг тус тус журамлан мөн хуулийн тусгай ангийн 22.1 дүгээр зүйлийн 2 дахь /Эрх мэдэл, албан тушаалын байдлаа урвуулан ашиглах/ хэсэг, мөн хуулийн ерөнхий ангийн 3.1 дүгээр зүйлийн 1, 3.4 дүгээр зүйлийн 1 дэх хэсэгт заасныг тус тус журамлан, мөн хуулийн тусгай ангийн 22.12 дугаар зүйлийн 1 дэх /хуулийн этгээдийн эрх мэдлийг урвуулан ашиглах/ хэсэг, мөн хуулийн ерөнхий ангийн 3.1 дүгээр зүйлийн 1, 3 дахь хэсэгт заасныг журамлан, мөн хуулийн тусгай ангийн 18.6 дугаар зүйлийн 2 дахь хэсгийн 2.2, 2.3 дахь /мөнгө угаах/ гэмт хэрэгт Э.Бат-Үүл нарын 11 хүнд тус тус холбогдуулан яллах дүгнэлт үйлдэж ирүүлсэн байдаг.

Нийгэм

2020-10-28

Сэтгэгдэл (1)

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Asu.mn хариуцлага хүлээхгүй.

нэг мөсөн цагаатгачих өө

[ 43.231.112.70 ] 2020-10-29

байнга л хойшилдог хурал. угаасаа яллах дургуй бөгөөд болохгүй хурлыг ингэж худлаа хойшлуулж яадаг байнаа.