Төв аймгийн Жаргалант сумаас сураггүй алга болсон иргэнийг эрэн хайх ажиллагааг дахин эхлүүлжээ

Төв аймгийн Жаргалант сумын Буурал багийн “Өлийн даваа” гэдэг газар тус аймгийн Жаргалант сумаас Цээл сум руу арваннэгдүгээр сарын 16-ны өдрийн 11:00 цагт  “Галлопер” загварын суудлын автомашинаар иргэн У, Б нар зорчиж яваад автомашин нь Жаргалант сумын Буурал багийн “Өлийн даваа” гэдэг газар  эвдэрч зогссон талаар бид мэдээлсэн. Мөн өдрийн 13.00 цагийн орчимд тус автомашины жолооч У нь иргэн Б /40 настай, эрэгтэй/-г автомашиндаа үлдээж, өөрөө Цээл  сум руу  тусламж дуудахаар яваад 11.17-ны өдрийн 17:00 цагийн орчим буцаж ирэхэд иргэн Б сураггүй алга болсон байсан тухай дуудлагыг энэ сарын 17-ны өдрийн 23:59 цагт хүлээн авчээ. Тус аймгийн Онцгой байдлын газрын Эрэн хайх, аврах салбарын 8 алба хаагч, аймгийн Цагдаагийн газрын Жаргалант сум дахь Цагдаагийн хэсгийн 7 алба хаагч, тус сумын Засаг даргын Тамгын газрын 15 ажилтан, Цээл сумын Засаг даргын Тамгын газрын 20 албан хаагч, ар гэрийн 9 хүн, нийт 59 хүн 1 дүгээр бүлэг тус сумын Өгөөмөр багийн “Бэлхийн гарам” гэдэг газраас “Хөвийн давааны-Ар” гэдэг газарт, 2 дугаар бүлэг “Хүйлээ ханы-Ар” гэдэг газраас “Цээл”-ийн гол гэдэг газар хүртэл явганаар 10 км-т, 3 дугаар бүлэг 10 гуу, жалгыг самнаж эрэн хайх ажиллагааг зохион байгуулсан боловч үзэгдэх орчин хязгаарлагдсан тул мөн өдрийн 20:15 цагт түр зогсоосон байна. Өнөөдөр өглөө 07.00 цагт  эрэн хайх ажиллагааг дахин эхлүүлжээ.

Тус автомашины жолооч У нь иргэн Б /40 настай, эрэгтэй/-г автомашиндаа үлдээж, өөрөө Цээл сум руу тусламж дуудахаар яваад 11.17-ны өдрийн 17:00 цагийн орчим буцаж ирэхэд иргэн Б сураггүй алга болсон байсан тухай дуудлагыг энэ сарын 17-ны өдрийн 23:59 цагт хүлээн авчээ.