Иргэдийн хурлын сонгуулийн санал хураалт дууслаа

Аймаг, нийслэл, сум, дүүргийн Иргэдийн төлөөлөгчдийн хурлын сонгуулийн санал хураалт 20:00 цагт дууслаа.

Оройн 19:00 цагийн байдлаар Улаанбаатар хотод ирц 41.1 бол улсын хэмжээнд 47.6 хувьтай байсан юм. Сонгууль санал өгсөн сонгогчдын олонхийн санал авсан нэр дэвшигчид л ялалт байгуулах учиртай. 

Сонгуулийн хуулийн дагуу санал хураалт дууссаны дараа бүх хэсгийн хороонд саналын хуудасны 50 хувьд хяналтын тооллого хийх учиртай.  Санал хураалт хаагдмагц буюу 20:00 цагаас эхлэн дүн мэдээлэл хэсгийн хороодоос Сонгуулийн ерөнхий хорооны төв серверт ирэх аж. Саналын дүн нь 100 хувь ирж дууссан аймгуудын дүнг цахим хуудсаараа дамжуулан мэдээлэхээр болжээ.