Иргэн та саналаа өгөхөөр ирэхдээ амны хаалт зүүгээрэй

ИТХ-ын сонгуулийн нийт зардал 16.5 тэрбум төгрөгт багтах бөгөөд цар тахалтай холбоотойгоор халдваргүйжилт, ариутгалд 483 сая төгрөг нэмж гаргахаар болсон байна. Учир нь, ИТХ-ын сонгууль УИХ-ын сонгууль шиг цар тахлаас урьдчилсан сэргийлэх хамгаалалтын дор болох бөгөөд Засгийн газраас сонгуулиар мөрдөх түр журам гаргажээ. 

Журамд зөөврийн битүүмжилсэн саналын хайрцгаар санал авах, санал авах байранд сонгогчийн санал авах үед халдвараас сэргийлэх үйл ажиллагаанд баримтлах журам, дээрх үйл ажиллагааны явцад сэжигтэй тохиолдол илэрсэн үед авах арга хэмжээ зэргийг тодорхой тусгасан байна.  Тухайлбал,

• Санал авах байранд орох, гарах үед бөөгнөрөл үүсгэхгүй байх,
• Сонгогчдын хоорондын зайг 1.5 метр байлгах,
• Сонгогч болон санал авах ажиллагаанд оролцогч бүхэн амны хаалт зүүж, бээлий өмсөх,
• Санал авахын өмнө болон дараа сонгогчийн гарын халдваргүйжүүлэх зэрэг олон зүйлийг нарийвчлан зүйлчилжээ.

Засгийн газрын тогтоолоор баталсан журмыг зөрчсөн хүн, хуулийн этгээдэд Зөрчлийн тухай хууль болон бусад холбогдох хуульд заасны дагуу хариуцлага хүлээлгэх юм.

Засгийн газрын тогтоолоор баталсан журмыг зөрчсөн хүн, хуулийн этгээдэд Зөрчлийн тухай хууль болон бусад холбогдох хуульд заасны дагуу хариуцлага хүлээлгэх юм.