Эрдэнэ майнинг-Үйлс компанийн төмрийн хүдрийн уурхайн тогтоол усанд хоёр хүн машинтайгаа осолджээ

Төв аймгийн Баянжаргалан суманд хоёр  иргэн “Приус-20” загварын суудлын автомашинтай малын эрэлд явж байгаад харамсалтайгаар амиа алдсан хэрэг гарчээ. Тодруулбал, өчигдөр 47 настай эрэгтэй З, 44 настай эрэгтэй С нар “Эрдэнэ майнинг-Үйлс” ХХК-ийн эзэмшлийн Зүүн цагаан хошууны төмрийн хүдрийн уурхайн тогтоол усанд автомашинтайгаа живсэн хэрэг гарсан байна.

Машинд гурван хүн явсан ч нэг нь машинаасаа өөрөө гарч чадсанаар эсэн мэнд үлджээ.

Улмаар аймгийн Онцгой байдлын газарт дуудлага өгч, алба хаагчид тогтоол усны гурван  метрийн гүнээс иргэн З-ийн цогцсыг олж, тус сумын хэсгийн мөрдөгчид шилжүүлэн өгчээ. Иргэн С-ийн цогцсыг эрэн хайх ажиллагаа үргэлжилж байна.