Архангай аймагт гал түймэрт өртсөн охин БНСУ-д эмчилгээ хийлгэж байгаад нас баржээ

Өнгөрсөн долдугаар сард Архангай аймгийн Цагаан даваан дээр гарсан айхтар ослын үеэр гэр бүлийн 7 хүн галд өртөж, дөрөв нас барж, үлдсэн гурвыг нь аврахын тулд хандивын аян эхлүүлсэн байгаа талаар мэдээлсэн билээ. 

Ослоос амьд үлдсэн ээж нь 13 настай охиноо аваад БНСУ-руу яаралтай хагалгаанд оруулахаар явсан юм. Харин бүхий биеэр нь халдвар тархсан байсан охин нь түлэнхийн шархаа даалгүй өнөө өглөө нас барсан харамсалтай мэдээлэл иржээ. 

Дээрх харамсалтай ослын улмаас 5 настай охин, 10 настай хүү, аав, хадам ээж нь өнгөрч, 13 настай охиноо аваад гэрийн эзэгтэй  БНСУ-руу явсан байсан юм. Гэвч харамсалтай нь 13 настай охиных нь амь аврагдаж чадсангүй. 

Одоо О.Цэнгэл гэх эмэгтэй 5 сартай хүүтэйгээ үлджээ. Аймшигт  хагацал үзсэн ээжийн сэтгэл санаа хэцүү байгаа талаар ар гэрийнхэн нь мэдээлэл өгч байгаа бөгөөд хандивын аян үргэлжилж байгаа ажээ.