Д.Нямхүү: Нийт батлагдсан 287 тохиолдлоос 213 нь эдгэрсэн

ЭМЯ-наас коронавируст нөхцөл байдлын талаарх ээлжит мэдээллийг танилцууллаа. Энэ талаар ХӨСҮТ-ийн захирал Д.Нямхүү мэдээлэхдээ "2020 оны долдугаар сарын 19-ний өдөр нийт 330 хүний сорьцод шинжилгээ хийхэд коронавирус илрээгүй. Задалж хэлбэл, долдугаар сарын 4-нд Токио-Улаанбаатарын онгоцоор ирсэн 253 хүний давтан шинжилгээ, ХӨСҮТ-д сэжигтэй гэж тусгаарласан долоон хүний давтан шинжилгээ, Ханги боомтоор орж ирсэн жолооч нар болон Алтанбулан боомтоор орж ирсэн тээврийн жолооч нарын шинжилгээнд коронавирус илрээгүй. Мөн эдгэрч ХӨСҮТ-өөс гараад сувилалд байгаа 24 хүнд хяналтын шинжилгээ хийхэд вирус илрээгүй.

Нийт батлагдсан тохиолдол 287 байгаагаас 213 нь эдгэрсэн. Одоо ХӨСҮТ-д эмчлэгдэж байгаа 74 хүний 64-ийнх нь биеийн байдал хөнгөн, 10 нь хүндэвтэр гэж үнэлэгдсэн. Нэг жирэмсэн эмэгтэй эмчилгээнд байгаа" гэв.