Архангайд сураггүй болсон 14 настай хүүхдийг эрэн хайх ажиллагаа үргэлжилж байна

Гэрээсээ гараад сураггүй болсон 14 настай хүүхдийг эрэн хайх ажиллагаа үргэлжилж байна. Тухайлбал, Архангай аймгийн Өндөр-Улаан суманд өчигдөр буюу долдугаар сарын 05-ны өдрийн 17:00 цагийн орчим 14 настай хүү С гэрээсээ гараад сураггүй болжээ. Энэ тухай дуудлагыг өнөөдрийн 02:10 цагт хүлээн авсан байна. Ингээд тус аймгийн Онцгой байдлын газрын Эрэн хайх, аврах салбар, сумын Цагдаагийн хэсгийн алба хаагчид мөн өдрийн 05:20 цагаас эхлэн тус багийн Баянбулаг гэдэг газарт 3 км-ийн тойрогт эрэн хайх ажиллагааг байгуулан ажиллаж байгаа юм.