Д.Нямхүү:10 оюутан эдгэрч, дараагийн шатанд шилжлээ

Эрүүл мэндийн яам Covid-19-т халдварын талаар ээлжит мэдээллээ хийлээ. 

Манай улсын хувьд өнөөдөр 6 хүн тусгаарлалтаас гарлаа. Одоогийн байдлаар тусгаарлалтын байранд 2136 хүн ажиллаж байна.

ХӨСҮТ-ийн захирал Д.Нямхүү "ХӨСҮТ-ийн хоёр лаборатори, Дархан-Уул аймгийн салбар лабораторид өчигдөр нийт 249 хүнд шинжилгээ хийлээ. Шинжилгээгээр бүгдэд нь коронавирус илрээгүй.

Өнөөдөр 10 хүн эдгэж, ХӨСҮТ-өөс сувилалд шилжлээ. Насны хувьд 19-35 насны оюутан, тав нь цэргийн сургуулийн оюутан. Ойролцоогоор 28-40 хоног эмчлүүлсэн. Covid-19-т халдварын батлагдсан тохиолдол 215 болсон. Эдгээрээс 168 эдгэсэн. Одоогоор ХӨСҮТ-д 47 хүн эмчлүүлж байна. Эмчлүүлж байгаа хүмүүсийн 41 хөнгөн, зургаа нь хүндэвтэр байна. Өнөөдөр Сиатллээс ирсэн хүмүүсийг тусгаарлах байранд хуваарилж, шинжилгээ хийх болно" гэлээ.

ХӨСҮТ-ийн хоёр лаборатори, Дархан-Уул аймгийн салбар лабораторид өчигдөр нийт 249 хүнд шинжилгээ хийлээ. Шинжилгээгээр бүгдэд нь коронавирус илрээгүй.