Коронавирусийн халдвар тусаад эдгэрсэн эмэгтэй ХӨСҮТ-д амаржина

ХӨСҮТ-д гурван жирэмсэн эмэгтэй эмчлүүлж байгаа талаар өмнө нь мэдээлсэн билээ. Тэгвэл тэдний хоёр нь эдгэрч, өнөөдрөөс эхлэн дараагийн шатанд шилжсэн байна.

Нэг нь амаржих хугацаа дөхсөн тул сувилалын байранд хэд хоног тусгаарлалтад байж байгаад ХӨСҮТ-д амаржихаар болжээ.

Дашрамд дуулгахад өнөөдөр долоон хүнд халдвар илэрсэн бөгөөд 6-12 насны хүүхдүүд байна. Тэд тусгай үүргийн онгоцоор Нурсултан болон Сөүлээс иржээ.