| | USD/MNT 0₮
Эрүүл мэндийн яамнаас ээлжит мэдээллээ хийлээ. ОХУ-д халдвар их нэмэгдэж байгаа учраас хил залгаа аймгуудын иргэдийг анхаарал болгоомжтой байхыг зөвлөж байна.
Өчигдөр Франкфурт-Улаанбаатар чиглэлийн тусгай үүргийн онгоц болон Сөүл-Улаанбаатар чиглэлийн тусгай үүргийн транзит нислэгээр нийт 526 хүн ирсэн.
Үүнээс ХӨСҮТ-д ес, цэргийн төв эмнэлэгт архаг хууч өвчтэй 15 хүнийг тусгаарласнаас есөн хүний биеийн байдал хүндэвтэр байна. Үлдсэн хүмүүсийг зочид буудал болон амралт сувиллын газар тусгаарласан. Тусгаарлах байранд 1-5 насны 109 хүүхэд, жирэмсэн 48 хүн, архаг хууч өвчтэй 246 иргэн байна.
ХӨСҮТ-ийн захирал Д.Нямхүү "Өчигдрийн байдлаар 314 хүнд шинжилгээ хийснээс шинээр хоёр хүнээс халдвар илэрлээ. Тодруулбал, Алтанбулагийн боомтоор орж ирсэн 66 настай эрэгтэй орос жолоочоос болон Франкфурт-Улаанбаатар чиглэлийн тусгай үүргийн нислэгээр ирсэн 80 настай эмэгтэйгээс коронавирусийн халдвар илэрсэн. Тэр хоёр ХӨСҮТ-ийн эмчилгээнд орсон. Тандалтын зорилгоор хийсэн хүмүүст шинжилгээ илрээгүй.
Сайхан мэдээ дуулгахад өнөөдөр долоон хүн эдгэрч, ХӨСҮТ-ээс гарч дараагийн шат руу шилжлээ. Тэд 20-37 хоног эмчлэгдсэн. Нийт батлагдсан тохиолдол 206, үүнээс 139 хүнийг эмчилсэн бөгөөд 67 хүн хяналтад байна" гэлээ.
Тодруулбал, Алтанбулагийн боомтоор орж ирсэн 66 настай эрэгтэй орос жолоочоос болон Франкфурт-Улаанбаатар чиглэлийн тусгай үүргийн нислэгээр ирсэн 80 настай эмэгтэйгээс коронавирусийн халдвар илэрсэн.