COVID-19:Халдвар авсан хүний тоо 8 саяд хүрлээ

Өнөөдрийн байдлаар нийт халдвар авагсдын тоо дэлхийд 7,978,964 болж, нас барагсдын тоо 435,058 -д хүрсэн байна. Эдгэрсэн хүний тоо 4,096,092 байгаа бол халдварын идэвхтэй тохиолдлын тоо 3,447,814 болж,  54,124 хүний биеийн байдал хүнд байгаа аж.

Дээрх тоо баримтуудаас харахад дэлхийн нэг сая хүн тутмын 1,024 нь коронавирусийн халдвар аваад байгаа бол нэг сая хүн тутмын 55,8 хувь нь уг халдварын улмаас нас баржээ.

Дэлхий даяар сүүлийн 24 цагийн дотор коронавирусийн 118.440 шинэ тохиолдол, 3.140 нас баралт тус тус  бүртгэгджээ.

Манай хойд хөрш ОХУ-д нийт 528,964 коронавирусийн тохиолдол бүртгэгдсэнээс 1477 нь нийслэл Москва хотод, 717 нь Москва мужид, 256 нь Санкт-Петербургт, 254 нь Свердловск мужид, үлдсэн нь бусад бүс нутагт бүртгэгджээ. Өнөөдрийн байдлаар коронавирусээр халдварласан 241966 хүн эмчлүүлж байгаа аж.

ОХУ-д сүүлийн 24 цагийн хугацаанд 5409 хүн эмнэлгээс гарчээ. Харин эдгэрсэн хүний тоо 280050 болсон бол 119 хүн нас барж, нас барсан тохиолдлын тоо 6948-д хүрчээ. 

Харин урд хөрш Хятадын хувьд нийт 83,132 тохиолдол бүртгэгдэж, 57 хүн шинээр вирусээр өвчилж, 4634 хүн нас баржээ.

Шинэ төрлийн коронавирусийн халдвар авсан эхний 10 улсыг АНУ тэргүүлж байна. Тус улсад нийт 2.1 сая хүн цар тахлаар өвчилснөөс 117,847 нь нас барж, сүүлийн 24 цагийн хугацаанд 18806 хүн халдварлаж, 320 хүн нас баржээ.

 

Өнөөдрийн байдлаар нийт халдвар авагсдын тоо дэлхийд 7,978,964 болж, нас барагсдын тоо 435,058 -д хүрсэн байна. Эдгэрсэн хүний тоо 4,096,092 байгаа бол халдварын идэвхтэй тохиолдлын тоо 3,447,814 болж, 54,124 хүний биеийн байдал хүнд байгаа аж.