ASU.mn

Мэдээллийн технологийн салбарын эрхзүйн орчныг боловсронгуй болгоно

Ерөнхий сайд У.Хүрэлсүх, Гадаад харилцааны сайд Д.Цогтбаатар, УИХ-ын гишүүн Н.Учрал нар хоёр хоногийн өмнөхөн стартап компанийн эзэд буюу технологид суурилсан интернэт компанийн үүсгэн байгуулагч, залуу бизнес эрхлэгчдийн “Дриймерс” нэгдлийн төлөөллийг албан өрөөндөө хүлээн авч уулзсан.

Уулзалтын үеэр Стартапуудыг төрөөс хэрхэн дэмжих тухай бодлогын төсөл боловсруулснаа залуу бизнес эрхлэгчид Ерөнхий сайдад өгсөн байдаг.

Ерөнхий сайдын зүгээс төслийг хэрэгжүүлэх боломжийг судалж, ажил болгоход бэлтгэн шийдвэрлүүлэхийг Гадаад харилцааны сайд Д.Цогтбаатарт үүрэг болгосон юм. Энэ үеэр тэрбээр “Манай Цогтоо бол Гадаад хэргийн сайд. Маш их гадаад явдаг. Олон газраар явж их юм үзсэн. Дэлхий ертөнцийг алган дээрээ байгаа юм шиг хардаг хүн. Гадаад, дотоодод тавьсан илтгэлийг нь хараад шүтэж байлаа” гэжээ.

Харин стартапуудын зүгээс төрөөс тэднийг хэрхэн дэмжих тухай бодлогын төсөл боловсруулснаа залуу бизнес эрхлэгчид Ерөнхий сайдад өгсөн байна. Төслийг хэрэгжүүлэх боломжийг судалж, ажил болгоход бэлтгэн шийдвэрлүүлэхийг Гадаад харилцааны сайдад үүрэг болгосон байна. Мөн УИХ, Засгийн газрын төвшинд инновацын тухай хуулийг батлан гаргасан ч хэрэгжих нь хангалтгүй байгааг хэлж байв. Иймд дагалдах журмууд болон бусад хуулийг гаргахын зэрэгцээ мэдээллийн технологийн компаниудыг татварын хөнгөлөлтөд хамруулах, санхүүгийн дэмжлэг үзүүлэх, эрхзүйн орчныг боловсронгуй болгох талаар анхаарахаа илэрхийлжээ. Орчин цагт бодит орон зайнаас илүү дижитал орон зай нь нийгэм түүний хөгжил, хүн төрөлхтний харилцаа, оршин буйд илүү үүрэг гүйцэтгэдэг болсон байна. Монгол Улсыг стартапуудын хязгааргүй чөлөөт бүс болговол энэ салбарын хөгжилд шууд дэмжлэг болох болно гэх санал гарчээ.

У.Хүрэлсүх: Д.Цогтбаатарын тавьсан илтгэлийг сонсоод шүтэж байлаа

Улс төр

2020-05-28

Сэтгэгдэл (0)

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Asu.mn хариуцлага хүлээхгүй.