Энэтхэг улсаас иргэдээ авчрахаар тусгай үүргийн онгоц хөөрлөө

Улсын онцгой комиссын шийдвэрийн дагуу өнөөдөр Энэтхэг улс руу тусгай үүргийн эхний нислэгийг хийнэ. “МИАТ” компанийн нисэх онгоц тавдугаар сарын 18 буюу өнөөдөр 08.50 цаг орчимд Чингис хаан олон улсын нисэх буудлаас Шинэ Дели рүү хөөрчээ.

Харин Шинэ Дели хотын Индира Гандийн нэрэмжит олон улсын нисэх буудлаас өнөөдөр 18.45 цагт хөөрөхөөр төлөвлөсөн талаар тус улс дахь Элчин сайдын яамнаас мэдээлэв. 

Нийт зорчигчдыг гараар бүртгэхэд нэлээд цаг хугацаа шаардагдах тул нисэх буудлын гуравдугаар терминальд 14.00 цагаас хожигдолгүй очсон байх шаардлагатай.

Энэтхэг улс руу хийж буй тусгай нислэгээр тэнд суралцаж буй ламхай нар, тэдний асран хамгаалагчид болон эмчилгээ хийлгэхээр явсан иргэдийг авчрахаар болоод байна.

Дашрамд дуулгахад Энэтхэг улсад сурч байгаа 300 гаруй ламхайг дараагийн ээлжинд авахаар болжээ. 

Улсын онцгой комиссын шийдвэрийн дагуу өнөөдөр Энэтхэг улс руу тусгай үүргийн эхний нислэгийг хийнэ. “МИАТ” компанийн нисэх онгоц тавдугаар сарын 18 буюу өнөөдөр 08.50 цаг орчимд Чингис хаан олон улсын нисэх буудлаас Шинэ Дели рүү хөөрчээ.