МАН-ын Бага хурал хаалттайгаар үргэлжилж байна

МАН-ын Бага хурал Тусгаар тогтнолын ордонд хаалттай хуралдаж байна.  МАН-ын дарга У.Хүрэлсүх намын Бага хурлын VI хуралдааныг нээж үг хэллээ.

Тэрбээр хурлын даргаар УИХ, Засгийн газрын гишүүн Ө.Энхтүвшин, дэд даргаар Д.Болормаа нарыг удирдуулах Бага хурлын гишүүдийн саналыг танилцууллаа.

Энэ удаагийн хурлаар зохион байгуулалт, нэр дэвшүүлэх, эрх шилжүүлэх гэсэн гурван асуудал хэлэлцэх болсныг Бага хурлын VI хуралдаан даргалагч Ө.Энхтүвшин танилцуулав.

Ийнхүү өнөөдөр хуралдаж, нэр дэвшигчдийг маргааш буюу тавдугаар сарын 17-ны Ням гарагийн 11.00 цагт албан ёсоор зарлана.