Салхитын ордоос авлига авсан гэх шүүгч нарыг шүүх хурал энэ сарын 18-ныг хүртэл завсарлалаа

Салхитын мөнгөний ордтой холбоотой авлига, хээл хахуулийн хэрэгт холбогдсон шүүгч нарыг шүүх хурал хоёр дахь өдрөө үргэлжиллээ. Тухайлбал, Нийслэлийн прокурорын газраас Эрүүгийн хууль (шинэчилсэн найруулга)-ийн тусгай ангийн 22.5-1 (хахууль өгөх), 22.4-2.4 (хахууль авах), Эрүүгийн хуулийн 268.1 (хээл хахууль авах), 269.1 (хээл хахууль өгөх)-д зааснаар яллах дүгнэлт үйлдэж ирүүлсэн Ш.Мөнгөншагай нарын 15 хүнд холбогдох хэргийн гэм буруугийн шүүх хуралдаан Хан-Уул дүүргийн Эрүүгийн хэргийн анхан шатны шүүхэд тавдугаар сарын 14-ний өдөр эхэлсэн. Өнөөдөр хоёр дахь өдрөө үргэлжилсэн тус шүүх хуралдаан даваа гараг буюу энэ сарын 18-ны 09.30 цаг хүртэл түр завсарлалаа.