ЭМЯ: ОХУ-ААС ИРСЭН ОЮУТНУУДААС ДАХИН 37-Д НЬ КОРОНАВИРУС ИЛЭРЧ, НИЙТ ТОХИОЛДЛЫН ТОО 98 БОЛЛОО

Өчигдөр ОХУ-аас ирсэн оюутнуудаас 18-д нь коронавирус илэрсэн бол дөнгөж сая ЭМЯ-наас цаг үеийн нөхцөл байдлын талаарх мэдээллийг өглөө. Энэ талаар ХӨСҮТ-ийн захирал Д.Нямхүү хэлэхдээ "Өчигдөр ОХУ-аас ирсэн сонсогч нараас 18-д халдвар илэрсэн бөгөөд ингэснээр 43 байсан тохиолдол 61 болж нэмэгдэв. Тэгвэл үлдсэн хүмүүсийн шинжилгээний хариу дөнгөж сая гарлаа. Үүнээс 37 оюутны шинжилгээний хариу эерэг гарлаа. Ингээд нийтдээ манай улсад батлагдсан тохиолдлын тоо нийт 98 болж өслөө" гэв.