АТГ өнгөрсөн оноос хөрөнгө, орлогын мэдүүлгийн хяналтыг шат ахиулж, төрөлжүүлэн авч үзэх болсон. Ингэхдээ юуны өмнө хөрөнгө, орлого нь огцом өссөн албан тушаалтнуудыг шалгаж, татварын талаас нь зөрчил илрүүлэн хариуцлага тооцуулсан. Тэгвэл одоо ХОМ-ийн "газар" гэсэн ангилалд хяналт шалгалтыг хийж эхэллээ. Газрын үнэлгээ нь зах зээлийн үнэлгээнээс 800 саяас 1 тэрбумаар өссөн 47, түүнчлэн 300 саяас дээш үнэлгээтэй газартай гэж мэдүүлсэн 169 албан тушаалтны мэдүүлэгт дүн шинжилгээ хийж эхэллээ.