Халдварын шинж тэмдэг тод илэрсэн иргэдийг ХӨСҮТ-д тусгаарлалаа

Өчигдөр орой Сөүлээс чартер нислэгээр 278 иргэн ирэв. Тэднээс сэжигтэй тохиолдлуудыг нь ХӨСҮТ-д тусгаарласан бол бусдыг нь амралтын газар болон зочид буудалд тусгаарлажээ.

ХӨСҮТ-ийн захирал Д.Нямхүү: “Өчигдрөөс эхлэн 3 хоногийн хугацаанд тусгай үүргийн нислэгээр 700 гаруй хүн хүлээж авахаар бэлтгэл ажлаа хангасан байна. Өчигдөр ирсэн иргэдийн дотор олон хоног дамжин халуурсан, ханиасан, суулгах шинж тэмдэгтэй хүмүүс байсан. Тэднийг ХӨСҮТ-д тусгаарлаж, шинжилгээ авч эхэллээ” гэв.

Дашрамд дуулгахад, ГХЯ-ны Консулын газрын дарга Л.Мөнхтүшиг өчигдөр 273 хүн ирнэ гэж мэдээлж байсан ч 278 хүн иржээ. Учир нь Ажнай Д.Бат-Эрдэнэ, Улсын гарьд Ц.Цэрэнпунцаг нар тусгай үүргийн онгоцонд давуу эрхээ эдэлж бусдын хажуугаар дайрч, хүний тоог хэтрүүлэн ирсэн талаар эх сурвалж хэлж байна.