Г.Загдааг нэг сар цагдан хорих шийдвэрийг хэвээр үлдээжээ

-Г.Загдаад цагдан хорих таслан сэргийлэх арга хэмжээ авсан шүүгчийн захирамжийг хэвээр үлдээж шийдвэрлэв-

Баянзүрх дүүргийн Прокурорын газраас Г.Загдааг Эрүүгийн хуулийн тусгай ангийн 12.1 дүгээр зүйлийн 1 дэх хэсэг, 11.7 дугаар зүйлийн 2 дахь хэсгийн 2.1, 2.2-т заасан гэмт хэрэгт холбогдуулан эрүүгийн хэрэг үүсгэн яллагдагчаар татаж, тус шүүхийн шүүгчийн 2020 оны дөрөвдүгээр сарын 13-ны өдрийн захирамжаар Г.Загдааг яллагдагчаар 1 сарын хугацаагаар цагдан хорих таслан сэргийлэх арга хэмжээ авсан.

Шүүгчийн захирамжийг эс зөвшөөрч яллагдагчийн өмгөөлөгч Б.Баярмагнай 2020 оны 4 дүгээр сарын 14-ний өдөр тус шүүхийн Ерөнхий шүүгчид гомдол гаргасныг шүүх хүлээн авч 2020 оны 4 дүгээр сарын 15-ны өдрийн 8.30 цагт шүүх хуралдааныг товлон зарлаж, яллагдагч Г.Загдаад цагдан хорих таслан сэргийлэх арга хэмжээ авсан тус шүүхийн шүүгчийн захирамж хуульд нийцсэн, үндэслэлтэй байна гэж үзэн хэвээр үлдээж шийдвэрлэсэн байна.