Д.Нямхүү: Коронавирусийн дахин нэг халдвар илэрч, манай улсад батлагдсан 17 тохиолдол боллоо

ЭМЯ-наас коронавирусийн нөхцөл байдлын талаарх ээлжит мэдээллээ хийлээ. Энэ үеэр ХӨСҮТ-ийн захирал Д.Нямхүү манай улсад дахин нэг тохиолдол батлагдаж, нийт тохиолдлын тоо 17-д хүрсэн талаар мэдээллээ. Тодруулбал, 2020 оны дөрөвдүгээр сарын 12-нд ХӨСҮТ-д тусгаарлагдсан сэжигтэй 20 тохиолдлын нэгэнд нь коронавирус илэрч, хариу нь эерэг гарчээ. 

Өчигдөр буюу дөрөвдүгээр сарын 12-нд ОХУ-аас 282 хүн эх орондоо ирсэн. 20 хүнийг ХӨСҮТ-д тусгаарласан. Үүн дотроос коронавирусийн нэг тохиолдол батлагдсан. Хавьтлуудыг бүгдийг нь тусгаарлажээ.

Харин эхэнд эдгэрсэн хоёр хүний хувьд давтан хоёр удаа шинжилгээ хийхэд халдвар илрээгүй байна.