Өнөөдрийн тусгай үүргийн онгоц Улаанбаатарт 17:00 цагт газардана

БНСУ-аас Монгол Улсын иргэдээ татан авахаар Улаанбаатар-Сөүл чиглэлийн ОМ301 дугаартай тусгай нислэг Улаанбаатарын цагаар 09:31 цагт хөөрлөө. Тус агаарын хөлөг 261 зорчигчтойгоос нярай хүүхэд 3, ХМХА 2, ХӨСҮТ 2 эмч мэргэжилтэн, 12,4 тонн ачаа тээвэрлэж байна. Сөүл-Улаанбаатар чиглэлийн ОМ302 дугаартай тусгай нислэгийг Улаанбаатарт 17:00 цагт газардахаар төлөвлөгдсөн. БНСУ-аас ирэх зорчигчдыг Автобус 5 ХХК, Тээвэр ачлал ХХК зэрэг компаниудын нийт найман автобусаар эмнэлэг, тусгаарлах байрууд руу тээвэрлэхээр бэлэн байдлыг хангаад байна.