ПАРИС-2024 ПАРАЛИМП: Өнөөдөр ДАШТ-ий мөнгөн медальт Л.Туруунаа барилдана

“Парис-2024” паралимпын наадмын жүдо бөхийн татамид өнөөдөр Монголын тамирчин Л.Туруунаа зодоглоно.

Эмэгтэйчүүдийн -70 кг-д өрсөлдөх тэрбээр эхний даваанд Шведийн бөх, Европ тивийн аварга, ДАШТ болон паралимпын наадмын 5-р байрын шагналт Пернхеим Гудричтэй барилдах сугалаа татсан юм.

Урьдчилсан шатны барилдаан 16 цагаас эхлэх бөгөөд манай бөх гурав дахь барилдаанд дэвжээнд гарна.

Л.Туруунаагийн хувьд 2022 оны ДАШТ-ээс мөнгөн медаль, 2023 оны Азийн АШТ-ээс алтан медаль хүртсэн манай шилдэг пара жүдочдын нэг билээ.

Л.Туруунаадаа амжилт хүсье!