Ахмадын шатрын Ази тивийн аварга шалгаруулах тэмцээнийг Монгол Улсад зохион байгуулахаар болжээ

Шатрын Ази тивийн аварга шалгаруулах тэмцээнийг Монгол Улсад зохион байгуулахаар болсон талаар Олон улсын шатрын их мастер А.Энхтуул болон зохион байгуулагчид өнөөдөр /2024.08.09/ мэдээлэл өгсөн юм. Тус хэвлэлийн бага хуралд дараах мэдээлэл дурдагдлаа. Монголын шатрын холбоо анх удаа Ахмадын Ази тивийн аварга шалгаруулах тэмцээнийг Тэрэлжид наймдугаар сарын 9-19-нд зохион байгуулахаар болжээ. Энэ тэмцээнд есөн улсын 80 гаруй тамирчин оролцохоор мэдүүлгээ өгсөн байна.