Хөвсгөл аймгийн Улаан-Уул сумд гарсан ойн түймэр 15 хоног үргэлжилж байна

Хөвсгөл аймаг, Улаан-Уул сум. Мунгараг багийн “Шар нуур" гэдэг газар /аймгийн төвөөс зүүн хойд зүгт 265 км, сумын төвөөс баруун хойд зүгт 160 км/-т www.icc.mn сайтад 07.03-ны өдрийн 14:32 цагт ойн гал түймрийн цэг илэрчээ. Улмаар 07.17-ны өдрийн 19:01 цагийн байдлаар тус аймгийн Онцгой байдлын газрын Гал түймэр унтраах, аврах 27 дугаар ангийн алба хаагчид, Хилийн цэргийн 0257 дугаар ангийн Улаан-Уул сум дахь 0298 дугаар салбарын алба хаагч, Улсын тусгай хамгаалалтай газрын байгаль хамгаалагчид түймрийн зүүн талаас 2-3 км замыг туулан баруун талд гарч ирсэн, захаар нь тойрч цурамд оруулахаар ажиллаж байна.

Иймд иргэд та бүхэн аялал зугаалгаар явахдаа гал алдахаас сэргийлнэ үү!