Н.Учрал: Зуун хоногийн хугацаанд Засгийн газрын нэгдсэн порталыг бий болгоно

Засгийн газрын хуралдаанаас гаргасан шийдвэрийг Хэрэг эрхлэх газрын дарга Н.Учрал өнөөдөр /2024.07.17/ танилцуулав.

Тэрбээр, “Хамтарсан засгийн газрын бодлогоос хэрэгжилт рүү илүү анхаарч ажиллана. Энэ засгийн газар өнгөрсөн үеэс илүү хурдан төсөл хөтөлбөрүүдээ урагшлуулахаар зориглож ажиллана. Мөн өнөөдрийн ЗС-ийн хуралдаан дээр төрийн захиргааны төв байгууллагууд бусад төрийн өмчит компаниудыг нэгдсэн веб порталтай болгож төр зөвхөн нэг л сувгаар иргэнтэй харилцдаг нөхцөлийг бүрдүүлье гэдгийг Хэрэг эрхлэх газар болон цахим хөгжлийн сайдад үүрэг болголоо. Үүнтэй холбогдуулан эхний зуун хоногийн хугацаанд бид засгийн газрын нэгдсэн порталыг бий болгоно” гэв.