Х.Баттулга С.Гал-Эрдэнийг "тонгорч" өөрөө БУЛГАНД ДЭВШИХЭЭР БОЛЛОО

Өчигдөр буюу энэ сарын 20-нд УИХ дахь нам, эвслүүдийн үндэсний бодлогын хороо хуралдаж 2024 оны УИХ-д өрсөлдөх нэр дэвшигчдийг зарлаж Сонгуулийн Ерөнхий Хороонд хүргүүллээ.

МАН-аас 85 нэр дэвшигч, АН-аас 85 нэр дэвшигч мандатаа авахаар тойрогтоо хувиарлагдлаа.  

Монгол Улсын Ерөнхийлөгч асан Халтмаагийн Баттулга залуучуудаа тонгорч өөрөө УИХ-ын суудалд санаархав. Алдарт Женко, аймгаас хэтэрдэггүй харьсан бөх Б.Ариун-Эрдэнэ нар улс төрийн суудалд суух санаагаа өвөртөлж Булган аймагт мандатаа авчээ. Тодруулбал, Өчигдөр болсон АН-ын бодлогын хорооны хуралдааны үеэр Ардчилсан намын жагсаалтаар биш заалнаас нэр дэвшүүлэх саналаар яригдаж байсан улс төрчдийн рейтингээр нэгт С.Гал-Эрдэнэ байв. Гэтэл Женко яг нэр дэвшигчдийг  шийдвэрлэх үеэр С.Гал-Эрдэнийг “тонгорч” өөрөө Булганд хүч үзэхээр болжээ.

Булган аймгийн Засаг дарга Б.Ариун-Эрдэнийг улстөрд хөтөлж оруулсан хүн бол Женко.  Б.Ариун-Эрдэнэ 2020 онд Булган аймгийн харьяат болохын тулд хөгөө чирж байсан түүхтэй. Нийслэл хотод амьдарч байсан, оршин суух хаягтай мань бөх гэнэтхэн л Женко ахаасаа даалгавар авч яаж Булган аймагт шилжин суух харьяаллаа авах гэж толгой нь гашилж явсан.