| | USD/MNT 0₮
| | USD/MNT 0₮
Сонгуульд нэр дэвшигчид мөнгө тарааж сонгуулийн хууль зөрчиж буй асуудлаар орон нутгийн төлөөлөл хэвлэлийн хурал зохион байгуулав. Энэ үеэр иргэн Ц.Батболд дараах мэдээллийг өгөв.
Тэрбээр, “2024 оны сонгуулийн хувьд нэр дэвшигчид тодрохоор намууд бага хурлаа хийж байгаа энэ үед эрх баригч Монгол Ардын нам төрийн эрхийг хууль бусаар авахаар нэр дэвшигчид нь маш олон хууль бус сурталчилгаануудыг хийж, хөдөө орон нутгаар явж байна. Энэ хүрээнд Увс аймгаас сонгогдсон УИХ-ын гишүүн, Эдийн засаг, хөгжлийн сайд Ч.Хүрэлбаатартай холбоотой мэдээллийг та бүхэнд өгөх гэсэн юм. Энэ хүн 16 жил УИХ-ын гишүүнээр ажиллаж, таван удаа сайдаар сонгогдсон. Түүний хувьд уралдаан тэмцээн хийх нэрийдлээр их хэмжээний мөнгийг тарааж байгаа нөхцөл байдлыг манай шударга оюутнууд хэлж, хууль хяналтын байгууллагад эл асуудлыг шалгахыг хүссэн гомдол гаргаж байгаа. Мөн тус асуудлаар Ерөнхий сайд Л.Оюун-Эрдэнэ болон Сонгуулийн Ерөнхий хороонд хаяглаж албан тоот хүргүүлж байна. УИХ-ын гишүүн Ч.Хүрэлбаатар ажлын албаны төлөөлөл бүхий хүмүүс Тэргүүн хийморь 2004 ТББ-ын нэрээр сагсан бөмбөгийн тэмцээнийг 2024 оны дөрөвдүгээр сарын 12,13-ний өдрүүдэд Сүхбаатар дүүрэг Дамбын эцсийн буудал СБ-ын цагдаагийн нэгдүгээр хэлтсийн замын эсрэг талд Наран спорт цогцолбор хороололд зохион байгуулсан байна. Тэрбээр дан ганц сагсан бөмбөгийн тэмцээн зохион байгуулаад зогсохгүй Тус тэмцээнд оролцсон оюутнуудад тус бүр 100 мянган төгрөгийг бэлнээр өгч Хүрэлбаатар сайдыг сонгуулиар дэмжээрэй хэмээн хэлж Тэдний овог нэр гэрийн хаяг регистр утасны дугаар зэргийг бүртгэн авсан нь МУ-ын Их хурлын сонгуулийн тухай хуулийг зөрчсөнөөр тогтохгүй, Эрүүгийн хуулийн 14.9 дүгээр зүйл заасан Сонгуулийг хууль бусаар явуулах хуйвалдаан зохион байгуулах 19.2 дугаар зүйл заалтад заасан төрийн эрх мэдлийг хууль бусаар авах гэсэн гэмт хэргийн шинжтэй үйлдэл гаргасан байна” гэлээ.