Д.Сарангэрэл: Жирэмсэн болон 0-12 насны хүүхэдтэй эхчүүдэд ЦАЛИНТАЙ чөлөө олгоно

Улсын Онцгой комиссоос гаргасан шийдвэрийг салбарын сайд нар танилцуулж мэдээлэл хийсэн. Энэ үеэр  эрүүл мэндийн сайд Д.Сарангэрэл гурваас дээш 0-5 насны хүүхдүүдтэй ээжүүдэд гуравдугаар сарын 30-ныг хүртэл гэрээсээ буюу цахимаар ажлаа хийх боломжоор хангах эсвэл ЦАЛИНТАЙ ЧӨЛӨӨ олгохоор болсон тухай мэдээлж байсан юм. Тэгвэл энэхүү шийдвэрээ өөрчилж коронавирусын халдвар (COVID-19)-аас урьдчилан сэргийлэх зорилгоор жирэмсэн болон 0-12 настай хүүхэдтэй эхчүүд, эмэгтэйчүүдэд 3-р сарын 11-30-ны өдрийг хүртэл гэрээсээ ажлаа хийх, хүүхдээ асрах цалинтай чөлөө олгох боломж бүрдүүлэхийг аж ахуйн нэгж, байгууллагад хуулийн этгээдийн удирдлагад даалгалаа.