Архи уулаа гэсэн шалтгаанаар төрсөн эгчийнхээ амь насыг хохироожээ

-Өвөрхангай аймагт өнгөрсөн шөнө хүн амины хэрэг гарчээ-

Тус аймгийн Тарагт суманд хүн нас барсан гэх дуудлага мэдээллийг гуравдугаар сарын 05-ны 02.00 цагийн орчимд хүлээн авсан байна. Уг дуудлагын дагуу жижүүрийн шуурхай бүрэлдэхүүн газар дээр нь очиж шалгахад 38 настай Г /эмэгтэй/ нь төрсөн эгч 55 настай С-н амь насыг хохироосон байжээ. Г нь эгчийгээ архи уулаа гэх шалтгаанаар толгойг нь архины шилээр нэг удаа цохисон аж. Энэхүү хэргийг яг одоо Өвөрхангай аймаг дахь цагдаагийн газар шалгаж байна.