ЭМЯ: Яг одоо Улсын онцгой комисс хуралдах гэж байна

Эрүүл мэндийн яамнаас коронавирусийн цаг үеийн ээлжит мэдээллээ хийлээ. 

ЭМЯ-ны Тандалт, шуурхай удирдлагын хэлтсийн дарга Д.Нарангэрэл: Дэлхийн 58 оронд тархаж, нийт тохиолдлын тоо 87 мянга давж, 2977 хүн нас бараад байна. Өвчлөлийн тоо хурдацтай нэмэгдэж байгаа. Шинээр Эквадор, Татар гэсэн хоёр улсад анхны тохиолдлууд бүртгэгдсэн. ДЭМБ-аас эрсдлийн үнэлгээ хийж, маш эрсдэлтэй түвшинд байгаа хэмээн мэдэгдсэн. БНСУ-д дахин дөрвөн хүн нас баржээ.

ЭМЯ-ны Эмнэлгийн тусламжийн газрын дарга Я.Буянжаргал: Өнгөрөгч баасан гарагт ДЭМБ цахимаар шуурхай хуралдсан байгаа. ДЭМБ-аас өгч буй гол зөвлөмж бол нийт хүн амд чиглэсэн мэдээллийн урсгал бодитой байх ёстой, сэтгэлзүйн бэлтгэл сайн байх хэрэгтэй, гэртээ өөрсдийгөө тусгаарлахад иргэдийг сургах хэрэгтэй. Манай улсад бүртгэгдээгүй ч энэ хугацаанд 705 хүнийг ажиглалтад авч, 227 сэжигтэй тохиолдолд тандалт судалгаа хийсэн. Одоогоор ХӨСҮТ-д 88 хүн тусгаарлагдаад байна. Тодруулбал, 16 сэжигтэй хүн, 309 хүн ажиглалтад байна.

• Цэргийн төв эмнэлэгт 65
• Хоёрдугаар эмнэлэгт  9
• Асралт Мед 32
• Жаргалантын аман дахь ОБЕГ-ын сувилалд 41
• Баян-Өлгий, Орхон, Сэлэнгэ, Хэнтий, Дорнод аймгуудад ажиглалтад байгаа бусад тохиолдлууд байна.

Мөн яг одоо Улсын онцгой комисс хуралдах гэж байна.

ХӨСҮТ-ийн захирал Б.Нямхүү: Хоёрдугаар сарын 28-нд ХӨСҮТ-д тусгаарлагдсан хүмүүсийн шинжилгээний хариу сөрөг гарсан бол хоёрдугаар сарын 29-нд ХӨСҮТ-д хоёр, Сэлэнгэ аймагт есөн хүн тусгаарлагдаад ажиглалтад байгаа. Шинжилгээний хариу гараагүй байна.