ЦЕГ: Ерөнхийлөгч У.Хүрэлсүхийг Хятад хэлээр ярьж буй хуурамч бичлэгийг үйлдсэн М, А нарыг яллагдагчаар татан шалгаж байна

ҮАБ-д нөлөөлж болохуйц гэмт хэргийн шинжтэй үйлдлүүдийн талаар ҮАБЗ-ийн Ажлын албанаас мэдээлэл өгч байна. Энэ үеэр ЦЕГ-аас "Ерөнхийлөгчийн нэр төрд халдсан, худал мэдээлэл тараасан талаарх мэдээлэл өглөө.

"Хүний мэдээлэл дуу хоолойг өөрчлөн засварлах боломжтой программ ашиглан Монгол Улсын Ерөнхийлөгч У.Хүрэлсүхийн дүрс бичлэгийг ашиглан хуурамчаар бичлэг үйлдэж, олон нийтийн цахим сүлжээнд буюу БНХАУ-ын ӨМӨЗО-ны "Талын дуу хоолой радио үзэх" сувгаар нийтлэгдсэн.

Уг бичлэгийг Монгол Улсын иргэн М, А нар цахим орчинд тараасан нь гэмт хэргийн шинжтэй байж болзошгүй нөхцөл тогтоогдсон тул М, А нарыг баривчлан, худал мэдээлэл тараасан байж болзошгүй үндэслэлээр яллагдагчаар татан шалгаж байна.

Хуулиар худал мэдээлэл тараасан хүнийг 2 жил хүртэлх хугацаагаар хорих ял оноох эсхүл торгох ял шийтгэл оноодог" гэв. 

https://www.facebook.com/AsuNewsMN/videos/2265761270481505