Манай улс гадаадаас 1.5 сая ширхэг амны хаалт импортолсон байна

Гаалийн ерөнхий газраас мэдээлж буйгаар Монгол Улс 2020 оны 1 дүгээр сард 68.7 мянган амны хаалт импортолсон бол өмнөх оны 1 сард 509,0 мянган амны хаалт импортолж байжээ.

Харин өнөөдрийн байдлаар (2020.2.06) Монгол Улсад Турк, БНСУ зэрэг 7 улсаас 16 аж ахуйн нэгж, 10 гаруй хувь хүмүүсийн импортолсон нийт 1.5 сая ширхэг амны хаалт орж ирсэн байна.

Гаалийн байгууллага шинэ коронавирусийн халдвартай холбоотойгоор тусламжаар ирж байгаа амны хаалт болон хувийн бусад хамгаалах хэрэгслийг улсын хилээр шуурхай нэвтрүүлэхэд дэмжлэг үзүүлэн ажиллаж байна. Хувь хүмүүсийн хэрэглэх амны хаалтыг тусгай зөвшөөрөл, лицензгүйгээр, эмнэлгийн зориулалтаар ашиглах амны хаалтыг Эм эмнэлгийн хэрэгслийн тухай хуулийн 15 дугаар зүйлийн 15.1-д заасны дагуу Эрүүл мэндийн яамнаас олгосон тусгай зөвшөөрөлтэйгээр улсын хилээр нэвтрүүлж байна.

Гаалийн ерөнхий газраас мэдээлж буйгаар Монгол Улс 2020 оны 1 дүгээр сард 68.7 мянган амны хаалт импортолсон бол өмнөх оны 1 сард 509,0 мянган амны хаалт импортолж байжээ.