ОНЦГОЙ КОМИСС: Коронавирүсийн халдварыг эмчлэх ЭМНЭЛГИЙГ тусгайлан гаргана

Коронавирүсийн халдвартай холбоотойгоор Улсын онцгой комисс хуралдлаа. Маргааш өглөө дахин хуралдаж, шийдвэрээ эцэслэн гаргах юм байна. Энэ талаар ОБЕГ-ын дарга, брагидын генерал Т.Бадрал хэлэхдээ "Коронавирүсийн халдвар авсан хүний тоо хурдацтай өсч байна. Хоногт гэхэд нас барсан хүний тоо 60-аар нэмэгдээд, шинэ аюултай нөхцөл байдал бий болчихлоо. Үүнтэй холбогдуулан Улсын онцгой комисс хуралдлаа. Та бүхний мэдэж байгаачлан БНХАУ-д шувууны ханиад гарсан. Иймд уг хоёр асуудлыг шийдвэрлэх шаардлагатай тулгарч, дараах шийдвэрүүдийг гаргалаа. 

1. Тахианы мах, махан бүтээгдэхүүнийг улсын хилээр нэвтрүүлэхгүй.
2. Монгол иргэд олноороо эх орондоо эргэж ирж байгаа учраас хилийн халдварын хамгааллын асуудал ярвигтай болж ирлээ. Иймд Замын-Үүд боомт дээр Онцгой комиссын ажлын хэсгийг ажиллуулахаар боллоо.
3. Коронавирүсийн халдвартай холбоотойгоор салбар дундын шинэ төлөвлөгөөт саналыг батлаад маргааш өглөө гэхэд Улсын онцгой комисс дахин хуралдаж, Засгийн газарт танилцуулна.
4. Уг шинэ халдварыг оношлох, эмчлэх ажилд зориулж нэг эмнэлгийг тусгайлан гаргана. Гэхдээ аль эмнэлгийг гаргахаа шийдээгүй байгаа.

ШУУД ҮЗЭХ: