УЕПГ-ААС ПРОКУРОР АСАН П.ХАЛИУНЫ ТАЛААР МЭДЭГДЭЛ ГАРГАЛАА

Өчигдөр “Ноёд” группийн захирал асан Г.Буяндорж өөрөөс нь прокурорууд их хэмжээний мөнгө нэхэж, нэхсэн мөнгийг нь өгөөгүйгээс болж 25 тэрбум төгрөгийн хохирол учруулсан гэх мэдээллийг хийж, баримтуудыг ЕТГ-ын дарга З.Энхболдод хүлээлгэн өгсөн билээ.

Тэгвэл өчигдөр Ерөнхийлөгч иргэн Г.Буяндоржийн гаргасан гомдолтой танилцаад гаргасан өргөдөл гомдлыг УЕПГ-т шилжүүлсэн юм.

Харин өнөөдөр Ерөнхий прокурорын газраас мэдэгдэл гаргажээ. Мэдэгдэлдээ мөнгө нэхсэн гэх прокурор П.Халиун нь 2015 онд ажлаасаа чөлөөлөгдсөн. Ерөнхий прокурорын газраас прокурорын сахилга, хариуцлагыг дээшлүүлэх, ёсзүйн дүрэм журмыг нэг мөр хэрэгжүүлж ажиллахад анхаарч ажиллаж байгаа гэж бичжээ.