Х.Нямбаатар: АТГ-аас Тавантолгой түлш компанийн үйлдвэрийн холбогдох албан тушаалтнуудын ажлын байранд нэгжлэг хийсэн

Авлигатай тэмцэх газраас өчигдөр Орчны бохирдлыг бууруулах үндэсний хороо /ОББҮХ/-ны Нарийн бичгийн дарга Б.Алтанзул, "Тавантолгой түлш" компанийн Худалдан авах ажиллагааны газрын дарга Б.Лхагвасүрэн нарын хамаарал бүхий объктод нэгжлэг хийсэн гэх мэдээлэл гарсан.

Эл мэдээллийн талаар ХЗДХ-ийн сайд Х.Нямбаатар "Цагдаагийн байгууллагаас энэ чиглэлд мөрдөн шалгах ажиллагаа явагдаагүй гэсэн. АТГ-ын дарга руу холбогдоход Орчны бохирдлыг бууруулах үндэсний хороо болон "Тавантолгой түлш" компанийн үйлдвэрийн холбогдох удирдлагуудын ажлын байранд нэгжлэг хийж байна Тодорхой мэдээлэл өгөх боломжгүй гэх мэдээллийг өгсөн" гэлээ.