МАН-ын бүлэг өнөөдөр УБТЗ-д үүссэн асуудлаар хуралдана

Долоо хоног бүрийн Даваа гарагт УИХ дахь намын бүлгүүд хуралддаг. Тэгвэл өнөөдөр МАН-ын бүлэг 10.00 цагт Жанжин Д.Сүхбаатарын танхимд хуралдана. Бүлгийн хуралдаанаар нүүрсний хулгайн асуудал болон  УБТЗ-ын удирдлагууд холбогдсон авлигын хэргийн талаар хэлэлцэх аж. Эргэн сануулахад УБТЗ-ын Тээвэр зохицуулалтын албаны дарга С.Батдөлийг баривчилж, гэрээс нь 7,3 тэрбум төгрөг хураан авсан билээ. Харин түүнийг цагдан хорих эсэх шүүх хурал өнөөдөр БГД-ийн Эрүүгийн хэргийн анхан шатны шүүхэд 10.00 цагаас болохоор товлогджээ.